Scuvierta da l'orma

Davart il cuntgnü

In sia prüma novella chi cumpara dal 1940, intitulada La chastlauna,  dà l’autura Selina Chönz spazi ad üna giuvna duonna benestanta chi decida da tscherchar üna via be sia, d’independenza ed emancipada e nouva, al cumanzamaint dal temp da la refuorma in Engiadin’Ota.

 

Desch ons plü tard, dal 1950, publichescha Selina Chönz sia terza Chasa Paterna. I sun quatter raquints ch’ella preschainta suot il titel cumplessiv Scuvierta da l’orma. In quels texts ans dà ella ün’introspecziun filigrana ill’orma umana in diversas fasas da la vita. – No gnin a cugnuoscher ils dubis e las dumondas dulurusas dad adolescents, giuvens creschüts, da persunas d’età madüra ed illa fasa da la vegldüm. Il motiv chi unischa ils quatter raquints pudess esser la forza creativa cha l’individuum tschercha, in che fasa da sia vita cha quai saja.

 

Culs duos volüms cumparüts dal 2017 e dal 2018 illa chasa editura editionmevinapuorger, es üna bella part da la prosa da Selina Chönz darcheu accessibla!

 

Las reediziuns sun chüradas e munidas dad üna glossari da Jachen Andry.

 

Las postfacziuns da l’editura dessan situar pel lectur dad hoz a l’autura putera e sia ouvra narrativa.

 

Las cuvertas da las duos nouvas ediziuns sun extrats da purtrets da Constant Könz.

 

Reediziun chürada da
Mevina Puorger e Jachen Andry
160 paginas, lià
editionmevinapuorger turich 2018
ISBN 978-3-9524584-4-0


Vendita e spediziun /Verkauf und Vertrieb:
Lia Rumantscha, Cuira
tel. 081 258 32 22

31 CHF bei der Lia Rumantscha