Cristoffel e Jon Bardola

ils trais frars Bardola: Cristoffel, Dumenic e Jon (da schnestra a dretta,  fotografia s.d.)
ils trais frars Bardola: Cristoffel, Dumenic e Jon (da schnestra a dretta, fotografia s.d.)

Ils autuors e lur ouvra

 

Cristoffel Bardola (1867-1935) e Jon Bardola (1877-1954) sun creschüts sü i’l cumünin da Vnà. Tuots duos sun dvantats magisters: Cristoffel, davo avair tgnü scoula a la scoula svizra a Napoli, es tuornà in Svizra ed ha instrui ad Aschera e lura dürant 25 ons a Samedan. Jon es stat magister giò la bassa, ad Amriswil in Turgovia; el d’eira ün hom ourdvart ingaschà a livel social. Cristoffel es stat dürant l’ultima fasa da sia actività professiunala inspectur scolastic per l’Engiadina e la Val Müstair.

 

Ils frars Bardola s'han occupats üna vita intera da la chosa rumantscha; han publichà prosa e lirica impustüt in periodics ed han adüna darcheu miss lur lö patria i'l center da lur ouvra.

 

 

Il raquint ‘La figlia dal cuntrabandier’s l'unic text publichà culs noms da tuots duos frars. Il raquint es cumparü dal 1936 sco nr. 35 da la Chasa Paterna. Cristoffel es mort l’on avant la publicaziun; Jon ha probabelmaing conclus il raquint e til preparà per la stampa.

 

I's tratta dad ün raquint  antecipatori, situà i l'on 2030.

 

La reediziun es munida cun ün ampel glossari e cun üna glista dals toponims dals contuorns da Vnà (i’l raquint: Biöl)

 

Üna postfacziun dess situar ils autuors in lur temp e dar ün'invista da la famiglia dals Bardolas a Vnà.

 

 

La figlia dal cuntrabandier

raquint

reediziun commentada e chürada da

Mevina Puorger e Jachen Andry

cun üna nota editoriala,  glossari ed üna glista dals noms criptats 

ed üna postfacziun cun fotografias

ediziun speciala numerada da 150 exemplars

editionmevinapuorger  turich 2021

ISBN 978-3-9525233-2-2

 


Cristoffel e Jon Bardola

La figlia dal cuntrabandier

159 paginas, lià

35 frs. pro la chasa editura,

ed in librarias chi vendan cudeschs rumantschs